عارفة البت د منال الشربيني مصر 🇪🇬

عارفة البت؟

البت اللي بترقص بلدي

وبتطير بلالين في الجو؟

هي البت اللابسة العيد

العاملة ضفيرة

وشايلة "الكحك"

هي البت بنفس جمالها

الوردة البيضا

وعقد الفل

هي بحالها

نفس البت الشايلة حفيدها

وماسكة ف ديل فستان الكون

نفس البت بتوبها الأبيض

والبلالين

ماسكة في ديلها

و الأعياد

تتمرجح في ساحات الصبح

هي بحالها

نفس البنت

اللي بتظهر ف الأحلام

ماسكة في ديلي

اتكعبل..

تتكعبل قبلي

اتنطط ..ضحكتها ترن

هي بحالها

بتوبها التوت

وإيديها النونو

وريحة الصبح

ف بق الورد

ولون الحقلة

والنجمات

والقمرة الواقفة ف شباك

بتخبي الضل ورا التلة

علشان تلعب ويا الغيط

لعبة"صلَّح"