د.ياسر الشريف يبدع ترزي القوانين 🇪🇬

 

ترزي القوانين

ترزي القوانين صَديق المُديرين

تفصيله عَجيب وموديلُه حزين

تاهت منُه مازورة التخمين

فَصل صديري ضيق للموظفين

فكر يخنق بيه بعض المفكرين

فاشل حتي ف قَلب الموازين

ناسي إنه أداة ف إيد فاسدين

نفسي أعرف ولائُه بس لمين؟

نَكِره وبُكره هيبقي فِ الهَم سَجين

أفهم دَرسك راجع نَفسك تبقي أمين

أوعي يغُرك أو يسُرك  جلوسك مع السلاطين

أنت يا دوب كُرباج  ف إيديهم ضمن القادمين

بيجلدوا بيك ضهر أصحاب الحقوق المساكين

أفهم يا أبو عقل رَصين اللي معاه رَبُه حَصين

أوعي تكون مع الظالمين حبل ربك قوى ومتين

د.ياسر الشريف